Ўзбекистон Республикаси Миллий статистика қўмитаси
Масъул бошқарма номи
Нархлар статистикаси бошқармаси
Масъул ҳодим ФИО
Туйчиев Азизжон Рузибой угли
Телефон рақами :
+99871 203 80 00
Электрон почта
sh.ismailova@stat.uz
Бирламчи маълумотлар манбааси
Ҳисоб-китобларда қуйидаги манбалардан олинган нархлар ўзгариши ҳақидаги маълумотлар қўлланилади: (1) CAPI технологиясига асосланган маълумотлар (чакана савдо дўконларига ташриф буюриб, нархларни рўйхатдан ўтказиш); (2) маъмурий транзаксион маълумотлар (солиқ органлари маълумотлар базасидан олинган онлайн-касса машиналари чеклари ҳақидаги маълумотлар); (3) eStat тизими орқали хизмат кўрсатувчи провайдерлар ва чакана сотувчилардан олинган маълумотлар (АPI/Excel форматида); (4) web scraping технологиясига асосланган ҳамда турли хил онлайн манбалардан (веб-сайт маълумотларидан) олинган нархлар; (5) CATI технологиясига асосланган маълумотлар (телефон орқали сўровномалар).
Ҳисоблаш усуллари (қисқача)
2026 йил январидан бошлаб Истеъмол нархлари индексининг ойлик ҳисоб-китоби 517 та товар ва хизмат турига (2025 йилда — 510 та) асосланади, шундан 419 таси товар ва 98 таси хизматлардир. Нархларни йиғиш ҳар ойнинг 1-санасидан 25-санасигача бўлган даврда амалга оширилади. ИНИ ўзгартирилган Янг арифметик формуласи ёрдамида ҳисобланади. ИНИ ҳисоб-китоблари: (1) салмоқ вазнларини шакллантиришга хизмат қиладиган аҳоли харажатларининг тузилмаси тўғрисидаги маълумотлар (уй хўжаликлари танланма кузатуви маълумотлари); (2) истеъмол нархларининг ўзгариши тўғрисидаги маълумотлар асосида амалга оширилади. Нархлар тўғрисидаги маълумотлар ҳудудларнинг ижтимоий-иқтисодий ва географик ҳолатини акс эттириши ҳамда истеъмол бозорининг товарлар ва хизматлар билан тўйинганлик даражасини ҳисобга олган ҳолда танлаб олинган Нукус шаҳри, Тошкент шаҳри, вилоятлар марказлари, шунингдек, танланма асосида шаҳарлар ва туманлар марказларидан тўпланади. Товарлар ва хизматлар нархлари ҳамда тарифлари кузатуви турғун савдо ва хизмат кўрсатиш соҳаси шохобчаларида, шунингдек, кўчма савдо объектларида (палаткалар, расталар ва бошқалар) танланма асосида ўтказилади.
Изоҳ
2021- йил январь ойидан бошлаб ИНИ Мақсадлар бўйича индивидуал истеъмол таснифлагичи-2018 бўйича ҳисобланган. 2026 йилгача ҳисоб-китобларда Ласпейрес (Лоу)нинг модификация қилинган формуласи қўлланилган. 2026 йилдан бошлаб арифметик Янгнинг модификация қилинган формуласи қўлланилмоқда.